ஊடல் பொழுது

தேநீர்க் கோப்பைகள் உருண்டோடும்
முகம் காட்ட மாட்டாய்
ஜன்னல் வழி கள்ளப்பார்வை வழியனுப்பும்
மாலை மேஜையில் காபி தனித்திருக்கும்
அழைத்தால் மறந்தும் திரும்பமட்டாய்
உன் ஊடல் பொழுதுகளில்...

ஒரு முத்தம்
ஒரு வெற்று குறுஞ்செய்தி
கொஞ்சம் சின்னதாய் மழைத்தூறல்

இதிலொன்று போதும்
ஊடல் முடித்து உன்னை வசப்படுத்த

எதுவுமில்லையா? போ போ...

நானும் முகம் திருப்பிக்கொள்வேன்
பின் நீ கெஞ்சவேண்டியிருக்கும்.